Somos unha axencia de viaxes localizada en Galicia, que naceu en 2001. A día de hoxe contamos con 3 oficinas (Vilagarcía de Arousa, Sarria e Santiago), e a nosa equipa é xove e dinámica. Cada día erguémonos co ánimo de ofrecer viaxes organizadas, pero totalmente persoalizadas, tanto para o cliente individual como para o aquel que desexe viaxar en grupo. Somos especialistas en sendeirismo, cicloturismo, viaxes gastronómicas e culturais en España e outros destinos de Europa, e somos a maior axencia especializada no Camiño de Santiago.

Non queremos que sexas un número ou un localizador para nós, senón alguén de quen estar pendente antes, durante e despois da viaxe. Especialmente durante a viaxe facemos un seguimento ao minuto da túa reserva, asegurándonos de que soamente teñas que preocuparte por desfrutar en familia.

En Tee Travel pensamos nos máis pequenos da familia, e poñemos a disposición dos mesmos interesantes programas que lles permitirán coñecer recunchos únicos de Galicia, de forma pausada. Todas as nosas actividades están especialmente deseñadas para realizar en familia, pensando en nenos de todas as idades, pero tamén nos adultos. Na nosa oferta de viaxes atoparás actividades ao aire libre, pero tamén interesantes visitas cun contido máis cultural, adaptado ás características de cada grupo. Non fallarán aventuras e experiencias que lembrar. A parte gastronómica e os aloxamentos están especialmente orientados a este tipo de cliente.

Posuímos un alto nivel de persoalización, caracterizámonos por unha grande flexibilidade, polo que, se as viaxes que aquí che presentamos non se adaptan ás túas necesidades, non dubides en contactarnos, e seremos nós os que nos adaptemos aos teus desexos.